पूर्वपश्चिम मुख्य राजमार्ग दाउन्नेमा भासिएको सडक एकतर्फी खुल्यो

अविरल वर्षाका कारण पूर्वपश्चिम मुख्य राजमार्ग पश्चिम नवलपरासीको दाउन्नेमा भासिएकोको सडक मर्मत गरेर आज बिहान ९ः०० बजेदेखि यातायात एकतर्फी खुलेकोे छ ।

सडक मर्मतलाई निन्तरता दिई आज नै दुईतर्फी सञ्चालन गर्ने तयारी रहेको जिल्ला प्रहरी कार्यालयका प्रहरी नायब उपरीक्षक एवं सूचना अधिकारी रेशम बोहराले बताउनुभयो ।

सडक अवरुद्ध भएर यात्री अलपत्र परेपछि सडक डिभिजन कार्यालय, जिल्ला प्रशासन कार्यालय र सुरक्षा निकायका सम्पूर्ण टोली उक्त स्थानमा पुगेर गएराति ११ः०० बजेदेखि नै सडक मर्मतको काम सुरु गरिएको जनाइएको छ ।

वर्षाका कारण पूर्वपश्चिम मुख्य राजमार्ग बर्दघाट नगरपालिका–४ खुर्सानी खोलास्थित दाउन्नेको सडक सोमबार साँझ सडक भासिएर अवरुद्ध भएको हो ।