आज सुनको मूल्य हालसम्मकै उच्च, चाँदीको घट्यो

सुनको मूल्य हालसम्मकै उच्च विन्दुमा पुग्दा चाँदी भने घटेको छ ।

नेपाल सुन चाँदी व्यवसायी महासंघका अनुसार शुक्रबारको तुलनामा सुनको मूल्य आइतबार ६ सय रुपैयाँले बढेर हालसम्मकै उच्च बिन्दुमा पुगेको हो ।

पछिल्लो समय लगातार उकालो लागेको छापावाल सुनको मूल्य आइतबार तोलामा १ लाख ७६ हजार ८ सय रुपैयाँ कायम भएको छ ।

यसअघि शुक्रबार छापावाल सुनको मूल्य तोलामा १ लाख ७६ हजार २०० रुपैयाँ कायम भएको थियो ।