तीन महिने अभियानमा अखिल (क्रान्तिकारी)

अखिल (क्रान्तिकारी) ले अभियान संचालन गर्ने भएको छ । उपाध्यक्ष एवं प्रचार विभाग प्रमुख मदन ढकालले जानकारी दिए अनुसार  तीन महिने अभियान जेष्ठ २५ देखि भाद्र २५ सम्म संचालन हुनेछ।

आधारभूत तह भन्दा माथिका सबै शिक्षण संस्थाहरुमा संगठन निर्माण गर्ने अभियानको लक्ष्य राखिएको छ । एक इकाई एक प्रशिक्षण, प्रत्येक संगठन सशक्त जन परिचालन, एक संगठन एक संघर्ष, प्रत्येक सदस्य संगठित सदस्य, हाम्रो विश्वविद्यालय राम्रो विश्वविद्यालय लगायतका अभियानको उद्देश्य भएको ढकालले जानकारी गराए ।

अभियान अवधिभरी नयाँ सदस्यता र नवीकरण सहित पाँच लाख सदस्यता वितरण गर्ने अखिल (क्रान्तिकारी) ले जनाएको छ । विश्वविद्यालयमा बढ्दै गइरहेको राजनीतिक हस्तक्षेप बन्द गर्न संघर्षको कार्यक्रम संचालन गरिने ढकालले बताए ।