चितवनका ७ पालिकाको मुख्य १४ पदमा १ सय २६ जना उम्मेदवार

चितवनका ७ पालिकाबाट जनप्रतिनिधि बन्न २ हजार २ सय ६४ जनाले उम्मेदवारी दर्ता गराएका छन् । जिल्ला निर्वाचन कार्यालय चितवनका अनुसार प्रमुखमा ७४, उपप्रमुखमा ४५, अध्यक्षमा ५, उपाध्यक्षमा २ जनाको उम्मेदवारी परेको छ । १४ जनाका लागि १ सय २६ जनाको उम्मेदवारी परेको हो ।

यस्तै ९८ जना वडाध्यक्षका लागि ५ सय २ जनाको उम्मेदवारी परेको छ । भरतपुरमा मेयरमा ३०, उपमेयरमा १३, वडाध्यक्षमा १ सय ४७, महिला सदस्यमा १ सय ३२ जना, दलित महिला सदस्यमा १ सय ३२, वडा सदस्यमा २ सय ८३ जनाको उम्मेदवारी परेको छ । महानगरका २९ वडाबाट जनप्रतिनिधि बन्न ७ सय १७ जनाले उम्मेदवारी दर्ता गराएका छन् । यस्तै रत्ननगरमा मेयरमा ११, उपमेयरमा ८, वडाध्यक्षमा ९८, महिला वडा सदस्यमा ७९, दलित महिला सदस्यमा ६३, वडा सदस्यमा १ सय ५७ जनाले उम्मेदवारी दर्ता गराएका छन् । १६ वडा रहेको रत्ननगरबाट ४ सय १६ जना उम्मेदवारहरु छन् ।

यस्तै खैरहनीमा मेयरमा ७, उपमेयरमा ५, वडाध्यक्षमा ७० जनाले उम्मेदावरी दर्ता गराएका छन् । १३ वडा रहेको खैरहनीबाट ३ सय ८ जना उम्मेदवारहरु छन् । राप्तीमा मेयरमा ८, उपमेयरमा ५, वडाध्यक्षमा ६१ जनाले उम्मेदवारी दर्ता गराएका छन् । १३ वडा रहेको राप्तीमा २ सय ८३ जनाले उम्मेदवारी दर्ता गराएका छन् ।

कालिकामा मेयरमा १०, उपमेयरमा ६, वडाध्यक्षमा ६१ जनाले उम्मेदवारी दर्ता गराएका छन् । ११ वडा रहेको कालिकाबाट २ सय ५३ जना उम्मेदवारहरु छन् । माडीमा मेयरमा ८, उपमेयरमा ८, वडाध्यक्षमा ४३ जना उम्मेदवारहरु छन् । ९ वडा रहेको माडीमा १ सय ८८ जना उम्मेदवारहरु छन् । इच्छाकामनामा अध्यक्षमा ५, उपाध्यक्षमा २, वडाध्यक्षमा २२ जना उम्मेदवारहरु छन् । ७ वडा रहेको इच्छाकामनामा ९९ जनाले उम्मेदवाहरु छन् ।