बिहीबार चार मन्त्रालयको बजेटमाथि छलफल हुने

जेठ २६,
प्रतिनिधि सभाको बैठकमा आज बिहीबार चार मन्त्रालयको बजेटमाथि छलफल हुँदैछ। संघीय संसद् सचिवालयले सार्वजनिक गरेको सम्भावित कार्यसूची अनुसार शिक्षा, विज्ञान तथा प्रविधि मन्त्रालय, खानेपानी मन्त्रालय, अर्थ मन्त्रालय र रक्षा मन्त्रालयको बजेटमाथि छलफल हुनेछ।

जसका लागि बिहान ११ बजे प्रतिनिधि सभाको बैठक बोलाइएको छ।  सांसद प्रेम सुवाल, दुर्गा पौडेल र सूर्य प्रसाद पाठकले खर्च कटौतीको प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ।