गठबन्धनको सिट बाँडफाँट गर्न बनेको कार्यदलको दोस्रो बैठक आज बस्दै

सत्तारुढ गठबन्धनको सिट संख्या बाँडफाँटका लागि बनेको कार्यदलको दोस्रो बैठक आज बस्ने भएको छ। प्रधानमन्त्री निवास बालुवाटारमा अपरान्ह ४ बजे बैठक बस्ने तय भएको हो।

कार्यदलको पहिलो बैठक गत २४ असारमा बसेको थियो। नेपाली कांग्रेसका नेता कृष्ण सिटौलाको संयोजगत्वमा ११ सदस्यीय कार्यदल गठन भएको थियो।

यसअघि बसेको बैठकमा देशका सबै निर्वाचन क्षेत्रमा गठबन्धन एकसाथ गर्नेगरी समझदारी बनेको एक नेताले जानकारी दिएका छन्। ती नेताका अुनसार आज बस्ने बैठकमा सिट संख्याको बारेमा छलफल हुने छ। यसअघि नै बाँडफाँट गर्दा लचक हुने समझदारी बनेको छ।