आज टुंगो लाग्ने: तोसिमा कार्कीको उम्मेदवारी कायम रहने कि नरहने ?

राष्ट्रिय स्वतन्त्र पार्टीकी उम्मेदवार डा. तोसिमा कार्कीको उम्मेदवारी कायम रहने कि नरहने भन्नेबारे आज सोमबार टुंगो लाग्ने भएको छ ।                                                                 उनको सोमबार सर्वोच्च अदालतमा सुनुवाइका लागि पेशी तोकिएको थियो। कार्कीविरुद्ध निर्वाचन आयोगले  निवेदन दर्ता गरेको थियो। निर्वाचन आयोगको निवेदनलाई सर्वोच्च अदालतले पहिलो प्राथमिकतामा राखेर सुनुवाइ गर्नेछ ।                                                      सम्भवतः सोमबार नै सर्वोच्च अदालतबाट आदेशसमेत आउनेछ। न्यायाधीशहरू ईश्वरप्रसाद खतिवडा र तिलप्रसाद श्रेष्ठको इजलासमा कार्कीको उम्मेदवारीवारे बहस हुनेछ।  डा. कार्की नेपाल मेडिकल काउन्सिलको निर्वाचित सदस्य पदबाट राजीनामा नदिइ मनोनयन दर्ता गराएकी थिइन् ।