खाना खर्चको बिल उपलब्ध गराउन होटल रोयल सेन्चुरी र माओवादी चितवनलाई निर्वाचन आयोगको निर्देशन

निर्वाचन आयोगले होटल रोयल सेन्चुरी, चितवन र नेपाल कम्युनिस्ट पार्टी (माओवादी केन्द्र) जिल्ला कार्यसमिति, चितवनका अध्यक्षलाई पत्र पठाई यही कात्तिक २९ गतेको जनप्रदर्शनमा सहभागीलाई खाना खुवाइएको खर्चको बिलको प्रमाणित प्रति उपलब्ध निर्देशन दिएको छ ।

२४ घन्टाभित्र स्पष्टीकरण पेस गर्न सो पार्टीका जिल्ला अध्यक्षलाई निर्वाचन आयोगले निर्देशन दिएको छ ।

“बिहान ८ बजे नारायणगढ लायन्सचोकबाट गठबन्धनको जनप्रदर्शन हुने हुँदा सम्पूर्ण नेता, एवं कार्यकर्तामा सक्रिय उपस्थितिका लागि सो पार्टीका चितवन अध्यक्षले बताउनु भएको छ।  साथै जनप्रदर्शनपछि होटल रोयल सेन्चुरीमा खानाको व्यवस्था गरिएको छ भन्ने व्यहोरा उल्लेख गरिएको सामग्री आयोगमा प्राप्त भएको विषयमा आयोगले पत्र पठाएको हो ।