मुटुमा समस्या देखिएपछि राष्ट्रपति पौडेल फेरि अस्पताल भर्ना

मुटुमा समस्या देखिएपछि राष्ट्रपति रामचन्द्र पौडेल पुनः अस्पताल भर्ना हुनुभएको छ । उहाँलाई गएराति २ बजेदेखि असहज भएको र बिहान ५ बजे मनमोहन कार्डियोथोरासिक भास्कुलर एन्ड ट्रान्सप्लान्ट सेन्टर लगिएको हो ।

राष्ट्रपतिका स्वकीय सचिव चिरञ्जीवी अधिकारीका अनुसार अहिले उहाँको उपचार भैरहेको छ । गएको मंगलबार पनि अचानक छाती दुखेपछि राष्ट्रपति पौडेलको शहीद गंगालाल राष्ट्रिय हृदय केन्द्रमा उपचारपछि बुधबार डिस्चार्ज हुनुभएको थियो ।