चितवनमा गैँडाकाे आक्रमणबाट ७६ वर्षीय वृद्धकाे ज्यान गयाे

चितवनमा गैँडाको आक्रमणबाट एक वृद्धको ज्यान गएकाे छ । रत्ननगर नगरपालिका–६ का ७६ वर्षीय नवराज अधिकारीकाे गैँडाकाे आक्रमणबाट ज्यान गएकाे हाे ।

चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार बिहीवार हिजाे निहुरो टिप्न मध्यवर्ती सामुदायिक वन गएका अधिकारीलाई गैँडाले आक्रमण गरेको हो ।

बेलुकी घर नफर्किएपछि आफन्तले खोजी गर्ने क्रममा अधिकारीको शव आज बिहान बाघमारा माध्यवर्ती सामुदायिक वनमा भेटिएको हो।