आजदेखी भरतपुर अस्पतालले निःशुल्क पार्किङको व्यवस्था गरेको छ

भरतपुर अस्पतालले भदौ १ गतेदेखी निःशुल्क पार्किङको व्यवस्था लागु गर्ने भनेपनि ठेक्कातिरका पाटा मिलाउँदा केहि दिन ढिला भएको अस्पतालका सूचना अधिकारी गोपाल पौडेलले बताए।                                                                                                                                                                                              उनका अनुसार केहि दिन ढिला भएपनि अस्पतालमा आजदेखि निःशुल्क पार्किङको व्यवस्था लागु गरेको छ।अस्पतालले साउन ८ गते सूचना जारी गरी भदौदेखि निःशुल्क पार्किङको व्यवस्था लागु हुने बताएको थियो।यसअघि साइकलको पाँच, मोटरसाइकलको १० र कारजीपको २० रुपैयाँ पार्किङ शुल्क लिने गरिएको थियो।अस्पतालले पार्किङ शुल्क उठाउन निजी क्षेत्रलाई ठेक्का दिएको थियो।                                                                                                                                                                                                          गरिब एवम् विपन्न वर्गले उपचार गराउने अस्पतालमा पार्किङ शुल्क लिने गरिएकामा आलोचना हुँदै आएको थियो।