कांग्रेस रूपान्तरण पक्षधरद्वारा दोस्रो चरणको कार्यक्रम घोषणा

नेपाली कांग्रेस रूपान्तरण अभियान पक्षधरले २४ भदौबाट दोस्रो चरणको रूपान्तरण अभियान घोषणा गरेको छ । शनिबार नेताहरूको छलफलबाट अभियानलाई निरन्तरता दिने निर्णय गरिएको नेता जगदिश्वरनरसिंह केसीले बताए ।

बैठकबाट अभियानलाई निरन्तरता दिने निर्णय गरेका छौँ । दोस्रो चरणमा १६५ निर्वाचन क्षेत्र पुग्ने गरी कार्यक्रम तय भएको छ । २४ भदौमा बिपी जयन्तीबाट दुई महिना अभियान सञ्चालन हुनेछ,’ उनले भने ।

उनका अनुसार दोस्रो चरणको अभियान २४ भदौदेखि २४ कात्तिकसम्म गरी दुई महिना सञ्चालन हुनेछ । अभियान अन्तर्गत १६५ निर्वाचन क्षेत्रमा विभिन्न कार्यक्रम गरिनेछ ।