सुनसरीको चतरास्थित सप्तकोशी नदीमा सोमबारदेखि जेटबोट सञ्चालनमा

सप्तकोशी भएर आवतजावत गर्न सहज होस् भने उद्देश्यले सुनसरीको चतरास्थित सप्तकोशी नदीमा सोमबारदेखि जेटबोट सञ्चालनमा ल्याइएको छ ।

बर्खा समयमा सुनसरी प्रशासनले सप्तकोशीमा जेटबोट सञ्चालनका रोकिएको थियो । वर्षा सकिए लगत्तै सप्तकोशीमा जलसतह र बहाव घट्दै गएकाले पुनः जेटबोट सञ्चालन सुरु गरिएको प्रजिअ रामचन्द्र तिवारीले जानकारी दिनुभयो ।

जेटबोटको माध्यमले चतराबाट १० मिनटमा भोजपुरसम्मको यात्रा गर्न सकिने भएकोले चतराबाट बराहक्षेत्र हुँदै भोजपुरको सिमाना हतुवागढीसम्म जेटबोट सञ्चालन हुने जेटबोटले यात्रुलाई यात्रा गर्न थप सहज भएको छ ।

चतराबाट बराहक्षेत्र हुँदै भोजपुरको हतुवागढीसम्म यात्रा गर्ने यात्रुको सङ्ख्या पछिल्ला दिनमा बढिरहेको छ ।