वेस्ट इन्डिजका पूर्वक्रिकेटर ब्रायन लारा नेपाल आउदै

काठमाडौं । वेस्ट इन्डिजका पूर्वक्रिकेटर ब्रायन लारा नेपाल आउने भएका छन् ।

नेपाल क्रिकेट संघ (क्यान)का सचिव पारस खड्काले सामाजिक सञ्जालमार्फत वेस्ट इन्डिजका लारा नेपाल आउने जानकारी दिएका हुन् ।

लारा नेपाल प्रिमियर लिग (एनपीएल) हेर्न आउने बताइएको भएपनि उनी कहिले आउछन् भन्ने स्पष्ट गराइएको छैन ।

वेस्ट इन्डिजका चर्चित क्रिकेटर लारा टेस्ट क्रिकेटको एकै इनिङमा ४०० रन बनाउने हालसम्मकै एक मात्र ब्याट्सम्यान हुन् ।