रामेछापमा जिप दुर्घटना हुँदा २ जनाको मृत्यु , ९ जना घाइते

रामेछापमा जिप दुर्घटना हुँदा २ जनाको मृत्यु भएको छ भने दुर्घटनामा परी अन्य ९ जना घाइते भएका छन् ।

मन्थली नगरपालिका–३ ठाँटीमा बा १६ च ६४७६ नं को जिप बिहीबार दुर्घटना हुँदा स्थानीय ६२ वर्षीया कृष्णनारायण श्रेष्ठ र ११ वर्षीया भूमिका श्रेष्ठको मृत्यु भएको हो ।

जिल्ला प्रहरी कार्यालय रामेछापका अनुसार स्थानीय शारदादेवी मन्दिरमा पुजा सकेर फर्कने क्रममा उक्त दुर्घटना भएको हो । घाइतेको मन्थलीस्थित विभिन्न अस्पतालमा उपचार भइरहेको छ ।

चालकलाई नियन्त्रणमा लिइएको प्रहरीले जनाएको छ ।