आज सुनको मूल्य तोलामा ३ हजार ५ सय रुपैयाँले घट्यो

नेपाली बजारमा बिहीबार आज सुनको मूल्य घटेको छ ।

नेपाल सुनचाँदी व्यवसायी महासङ्घका अनुसार आज सुनको मूल्य तोलामा ३ हजार ५ सय रुपैयाँले घटेको हो ।

आज छापावाल सुनको मूल्य तोलामा १ लाख ८१ हजार ८ सय रुपैयाँ कायम भएको छ । बुधबार छापावाल सुनको मूल्य १ लाख ८५ हजार ३ सय रुपैयाँ कायम भएको थियो ।

यस्तै, आज चाँदीको मूल्य पनि घटेको छ । बुधबार तोलामा १ हजार ९६० रुपैयाँ कायम भएको चाँदीको मूल्य आज घटेर तोलामा १ हजार ९२५ रुपैयाँ कायम भएको छ ।