भरतपुर महानगरको मेयरमा एमालेबाट विजय सुवेदी सर्वसम्मत उम्मेदवार

भरतपुर महानगरको मेयरमा एमालेले प्रदेश सांसद विजय सुवेदीलाई उम्मेदवार बनाउने भएको छ । एमाले महानगर कमिटिको बैठकले सुवेदीलाई मेयर बनाउने निर्णय गरेको हो । पार्टीका उप–महासचिव प्रदिप ज्ञवालीको विशेष उपस्थितिमा भएको बैठकले मेयरको उम्मेदवार टुंगो लगाएको हो ।

सुवेदी २०७४ सालमा चितवन क्षेत्र नम्बर २ ख बाट प्रदेश सभामा निर्वाचित हुनुभएको थियो । वृहत चितवनको गुरूयोजना निर्माणका अगुवा सुवेदी भरतपुर अस्पतालको अध्यक्ष समेत हुनुभएको थियो । उहाँ केही समय प्रदेशको सामाजिक विकास मन्त्री पनि बन्नुभएको थियो ।

राप्रपालगायतका दलहरुसँग तालमेल गर्ने तयारी रहेको जनाइएको छ । यसअघि भरतपुरको मेयरमा एमालेबाट पोलिटव्युरो सदस्य देविप्रसाद ज्ञवाली र कृष्णभक्त पोखरेलको पनि चर्चा थियो । सुवेदीलाई मेयरको उम्मेद्वार बनाउन पोलिटब्युरो सदस्य ज्ञवालीले प्रस्ताव र नेता पोखरेलले समर्थन गरेका थिए ।