रत्ननगरमा जसपा एक्लै चुनाव लड्ने, प्रमुख पदसहित उमेदवार छनोट

९ बैशाख, रत्ननगर ।
चितवनको रत्ननगर नगरपालिकामा पाँच दलीय गठबन्धनमध्येको एक जनता समाजवादी पार्टी नेपालले मेयरसहित अन्य पदहरुमा उमेदवार छनोट गरेको छ।                                                                                      सत्ता गठबन्धनदलहरुबीच पद बाँडबाँडमा अन्याय भएको भन्दै मेयर, उमेयरसहित वडाध्यक्षका उमेदवार छनोट गरेको हो।गठबन्धनका सहयात्री बनेका ठूला दलले नगरपालिकामा जसपालाई कुनै पनि पद दिन नमानेपछि असन्तुष्ट व्यक्त गर्दै उमेदवार छनोट गरिएको पार्टीका जिल्ला सचिवालय सदस्य अजय निराला जानकारी दिए। शुक्रबार नगरसमितिले एक विज्ञप्ति जारी गर्दै मेयर, उपमेयर र १६ वटै वडामा वडाध्यक्षको उमेदवारसमेत चयन गरिएको जनाएको छ।

सो पार्टीले रत्ननगरको मेयरमा जनार्दन दुवाडी, उपमेयरमा सिर्जना श्रेष्ठलाई अघि सारेको वडा नं १ को वडाध्यक्षमा विकी महतो, वडा नं २ को वडाध्यक्षमा ललन ठाकुर, वडा नं ३ को वडाध्यक्षमा गोपाल सुवेदी, वडा नं ४ को वडाध्यक्षमा राज भट्ट, वडा नं ५ को वडाध्यक्षमा सुन्दर न्यौपाने, वडा नं ६ को वडाध्यक्षमा अक्कल थिङ, वडा नं ७ को वडाध्यक्षमा विष्णु चौधरी, वडा नं ८ को वडाध्यक्षमा रमेश चौधरीलाई उमेदवारको रुपमा प्रस्तुत गरिएको छ।

त्यसैगरी वडा नं ९ को वडाध्यक्षमा गणेश श्रेष्ठ, वडा नं १० को वडाध्यक्षमा बुद्धिराज ढकाल, वडा नं ११ को वडाध्यक्षमा रामबहादुर ढकाल, वडा नं १२ को वडाध्यक्षमा ईश्वर पौडेल, वडा नं १३ को वडाध्यक्षमा कृष्ण खड्का, वडा नं १४ को वडाध्यक्षमा भगवती तिवारी, वडा नं १५ को वडाध्यक्षमा रोणप्रसाद वस्ती र वडा नं १६ को वडाध्यक्षमा रामप्रसाद रेग्मीलाई उमेदवारको रुपमा अघि सारिएको जिल्ला सचिवालय सदस्य निरालाले जानकारी दिए।

गठबन्धनको मर्म र भावनाअनुसार अघि बढ्नु पर्नेमा सहयात्री दलहरुले जसपाको शक्तिलाई नजरअन्दाज गर्ने काम गरेका कारण प्रमुखसहित अन्य पदहरुमा उमेदवार प्रस्तुत गरिएको नगर इन्चार्ज जनार्दन दुवाडीले बताए।