गठबन्धनको कार्यदले शीर्ष नेतालाई प्रतिवेदन बुझाउने

सत्तारुढ पाँच दलीय गठबन्धनको सिट बाँडफाँटका लागि बनेको कार्यदलको बैठक आज बुधबार पनि बस्ने भएको छ।  बुधबार बस्ने कार्यदलले सहमति भएको विषयसहितको प्रतिवेदन शीर्ष नेतालाई बुझाउने तयारी गरेको छ।

मंगलबार साँझ ६ बजेदेखि बसेको बैठकमा लामो छलफल भएपनि सहमति भने हुन सकेको थिएन्।  कार्यदलका सदस्य एवं सरकारका प्रवक्ता ज्ञानेन्द्रबहादुर कार्कीका अनुसार केही विषय अझैं टुंगोमा नपुगेकाले बुधबार पुनः बैठक बस्न लागिएको हो।

मंगलबार मात्रै नेकपा एकीकृत समाजवादीका अध्यक्ष माधवकुमार नेपालले सिट बाँडफाँटको विषय पेचिलो बन्दै गएको बताएका थिए।  उता, नेकपा माओवादी केन्द्रका अध्यक्ष पुष्पकमल दाहाल प्रचण्डले भने कांग्रेस ८० सिटको वरिपरि आउनसक्ने दाबी गरेका थिए।