सन्दीप लामिछाने विरुद्ध जबर्जस्ती करणीको उजुरी

नेपाली राष्ट्रिय क्रिकेट टिमका कप्तान सन्दीप लामिछानेविरुद्ध प्रहरीमा उजुरी परेको छ ।नाबालिकामाथि जबर्जस्ती करणी गरेको आरोपमा क्रिकेट टिमका कप्तान लामिछाने विरुद्ध प्रहरीमा जाहेरी परेको हो । मंगलबार काठमाण्डौ प्रहरी परिसरमा पीडितकातर्फबाट जाहेरी परेको हो । घटनाको विषयमा प्रारम्भिक अनुसन्धान भइरहेको भन्दै प्रहरीका कुनै पनि अधिकारीले औपचारिक रूपमा केही बताएका छैनन् ।

प्रहरीका अनुसार पीडितले स्न्याप च्याटमार्फत एक प्रशंसकका रूपमा लामिछानेसँग कुराकानी गर्ने गरेको बुझिएको छ । सो स्न्याप च्याटकैै आधारमा भेट्न बोलाएको बेला जबर्जस्ती करणी गरेको  आरोप लागेको छ । भेट भएको दिन भाद्र ५ गते नगरकोट घुमेर फर्कीएपछि  त्यही रात काठमाण्डौको एक होटलमा बसेको बेला आफूलाई लामिछानेले जबर्जस्ती करणी गरेको नाबालिकको जाहेरीमा उल्लेख छ । लामिछाने अहिले क्यारेबियन प्रिमियर लिग खेल्न वेस्ट इन्डिजमा छन् ।