निर्वाचन आयोगको उम्मेदवारी खारेज गर्ने निर्णय शंकास्पद : राष्ट्रिय स्वतन्त्र पार्टीकी उमेद्वार डा. तोसिमा कार्की

राष्ट्रिय स्वतन्त्र पार्टीकी डा. तोसिमा कार्की बहाल रहेको नेपाल मेडिकल काउन्सिलको निर्वाचित सदस्य लाभको पद भएको ठहर गर्दै निर्वाचन आयोगले उनको उम्मेदवारी खारेज गर्ने निर्णय गरेको थियो ।

आयोगको सो  निर्णय शंकास्पद भएको डा. तोसिमा कार्कीले बताएकी छन् ।त्यसविरुद्ध रिट लिएर उनी सर्वोच्च अदालतमा पुगेकी छन् । रिट दर्ता अघि उनले भनिन्, ‘निर्वाचन अयोगको निर्णय शंकास्पद छ । कतै बाहिर शक्तिको प्रभाव परेको त होइन ?’कार्की ललितपुर क्षेत्र नम्बर ३ मा प्रतिनिधिसभा सदस्यमा उम्मेदवार थिइन् ।

उनको पक्षबाट वरिष्ठ अधिवक्ता भीमार्जुन आचार्य, सुरेन्द्र भण्डारी, दिनेश त्रिपाठी लगायतले मुद्दा लड्ने छन् ।