बारामा अज्ञात व्यक्तिले हानेको गोली लागेर घाईते भएका भारतीय नागरिकको मृत्यु

भारत बिहार मोतिहारी जिल्ला छोडादानो पिप्रा गाउँ निवासी ४५ वर्षीय शिवपुजन प्रसाद यादवको बारामा अज्ञात व्यक्तिले हानेको गोली लागेरमृत्यु भएको छ। गम्भिर घाईते भएका शिवपुजन प्रसाद यादवको परवानीपुर स्थित एलएस न्युरो अस्पतालमा उपचारको क्रममा मृत्यु भएको जिल्ला प्रहरी कार्यालय बाराका प्रमुख प्रहरी उपरीक्षक होबिन्द्र बोगटीले जानकारी दिए।                                                                                                         कलैया बारियारपुर सडकखण्ड अन्तर्गत बाराको महागढीमाई नगरपालिका-२ स्थित भुतही पुल नजिकै चिया नास्ता पसलमा अज्ञात व्यक्तिले गोली चलाएको थियो। प्रहरीका अनुसार नम्बर नखुलेको दुई वटा मोटरसाइकलमा आएका पाँच जनाको समूहका एक जनाले साढे ५ बजेतिर गोली हानेर भागेका थिए।साँझ गोली लागेपछि पौने ६ बजे अस्पताल पुर्‍याइएको थियो । तर सवा ६ बजे अस्पतालले उनलाई मृत घोषित गरिदियो।                                                                         ‘भारतीय नागरिक शिवपुजनको छातीमा गोली लागेको रहेछ, अस्पतालले मृत्यु भएको घोषणा गरिसक्यो ।’ उनले भने ‘चिया नास्ता खान पसलमा सँगै बसेका दुई जनालाई नियन्त्रणमा लिएका छौं । घटनाबारे थप अनुसन्धान भइरहेको छ ।’ बरियारपुरमा आफन्तलाई भेटेर फर्केपछि नास्ता गर्ने क्रममा अज्ञात समूहले गोली हानेको मृतकका आफन्त रविन्द्र प्रसाद यादवले बताए।                                                                                          मृतक यादव भारतको मोस्ट वान्टेड सूचीमा रहेका थिए भने भारतका विभिन्न थानामा ७ वटा जघन्य मुद्दा दर्ता भएको थियो । उनी बिहीबार मात्र भागेर नेपाल आएर आफन्तकोमा बसेका अनुसंधानमा खुलेको छ। प्रहरीले गोली हान्ने व्यक्तिहरु फरार भएको र  उनीहरुको खोजी भइरहेको  जनाएको छ।