वालिका मृत्युु प्रकरणबारे नेविसंघ चितवनको गम्भीर ध्यानाकर्षण

चितवनको रत्ननगर नगरपालिका १० मा रहेको एकता शिशु निकेतन विधालयको होस्टेलमा छात्रा शालिन पोख्रेल झुण्डिएर मृत भेेटिएको घटना प्रति नेविसंघ चितवनले गम्भीर ध्यानाकर्षण गरेको छ । त्यहाँको वस्तुस्थिति हेर्दा आत्महत्या नभई बलत्कार पछि जस्तो देखिएको नेविसंघको ठहर छ ।

नेविसंघ चितवनका कार्यवाहक अध्यक्ष प्रकाश भण्डारी लगायतका नेता कार्यकर्ताले आज चितवनका प्रमुख जिल्ला अधिकारीलाई ज्ञापनपत्र बुझाई घटनाको सत्य तथ्य कुरा पत्ता लगाई दोषीलाई कडा कारवाही गर्न माग गरेको छ । पोस्टमार्टम ढिलो हुनुले घटना ढााकछोप गर्न अनेक प्रपन्च रचिएको हुनसक्ने नेविसंघ आशङका छ ।

वालिकाको शव पोस्टमार्टमको लागि काठमाडौको टिचिङ अस्पताल लगिएको छ ।पोष्टमार्टम रिपोर्ट सोमबारसम्म आउने भएको छ ।